مقدمه سلسله يوميات يوتويب

بسم الله الرحمن الرحيم اهلا بكم في مدونه كل يوم جديد زي ما قلنا علي الصفحه بتاعتنا أن في أول أغسطس هنبدا نشتغل مع بعض ونتعلم حاجات كتير فطبعا احنا عارفين انا الشهر بتاعنا بيبقي اربع اسابيع فاحنا هنقسم الاربع اسابيع دي لتلات اسابيع هنتعلم فيهم دورات والاسبوع الرابع دا هيبقي دروس منفرده مش دوره زي الباقي طيب الاسبوع الاول دا هنتعلم ايه فيه زي ما قلنا برضو أن في ناس عندها صور شخصيه ليها في ناس عندها مثلا منتجات لشركتها ناس عندها لوجوهات بتبقي عايزه تعمل فيديو احترافي بحيث انها تبين الصور دي بشكل محترف ومنسق ويطلع الفيديو اكتر من رائع دا اللي احنا هنعمله في الاسبوع الاول من الدوره  طيب احنا هنتعامل مع انهي برنامج بصو الموضوع هيمشي ازاي انا من وجه نظري البرامج كتيره جدا وكل واحد مختلف عن التاني لكن كلهم بيبقي عباره عن تلات طبقات منخفضه متوسطه ممتازه طيب انا هبدا من انهي انا هبدا من المتوسط طب ليه ابتديت بالمستوي الموضوع باختصار شديد جدا مينفعش انا اروح اجيب واحد ميعرفش يعمل اي حاجه ف المونتاج حتا الداتا اللي معاه سواء صور ولافيديوهات ولا صوت ميعرفش حتي يدخلهم علي البرنامج اللي هيشتغل عليه واقعده قدام برامج تقيله واقله اتفضل انا هعلمك كدا انا بعذب  الشخص دا معايا طب وليه مش اختارت المنخفض لان برضو المنخفض دا احنا بنتعلم اساسيات البرنامج اللي كدا كدا هنتعلمها في المستوي المتوسط يبقي نبدا الاول بالمتوسط وفيما بعد أن شاء الله هنتعلم في الفئه الممتازه طيب انا كاشخص لسا بتعلم اول مره اشوف حاجات زي دي مطلوب مني ايه اول حاجه لازم تعرف أن مفيش حاجه صعبه ومهما كانت صعبه مع التكرار بتبقي  سهله تاني حاجه لازم تفهم وتطبق معايا مش تشوف الفيديو وتسكت لا تالت حاجه كمان أن لما تيجي تشوف الدرس شوفه الاول مره واحده كله علي بعضه وبعدها عيد تشغيله من الاول وابدء طبق معايا بحيث انك تبقي شفت الدرس واخت فكره  رابع حاجه ودي الاهم محدش مبيغلطش والغلط هو اللي هيعلمك وعمر الغلط ماكان عيب ولكن الغلط اللي بجد أن مسالش في الحاجه اللي انا مش فاهم فيها عشان كدا احنا يوميا بنزل الحلقه علي القناه والمدونه والصفحة يعني هتوصلك هتوصلك وانت بقا شوف الدرس ولو ف حاجه وقفت معاك مش هقولك اكتبلي تعليق وانا هرد لا ياسييدي تعالي علي الخاص وكلمني وانا هرد عليك من خلال الصفحه تابعونا يوميا الساعه تسعه مساءا وان شاء الله هنبدا من اول بكره اول درس في سلسله يوميات يوتيوب الجزء الاول انتظرونا ......

جميع الحقوق محفوظه لدي مدونه كل يوم جديد |Privacy-Policy| سياسه الاستخدام

Design : New Day